Kryetari i Partisë Demokratike, Lulzim Basha në takimin me gazetarët pati edhe një përgjigje për deputeten Rudina Hajdari. Kjo e fundit gjatë mbrëmjes së djeshme kritikoi dhunën dhe organizatorët e protestës.
Por Basha edhe këtë herë është rezervuar të bëjë komente në lidhje me deklaratat e Hajdarit. Sipas liderit demokrat, njeriu gjithmonë duhet të përpiqet që të mësojë nga gabimet e tij.
“Suksesi në jetë përcaktohet nga të bërit sa më pak gabimeve, por në jetë kalojmë nga të bërit gabime, por unë përpiqem që të mësoj nga gabimet. Në çdo vendim përpiqem që të mësoj nga gabimet, por për rastin konkret nuk dua të bëj asnjë koment. Ose do të jetë zgjedhje ose nuk do të ketë zgjedhje” tha Basha.
