Në gjendje të rëndë shëndetësore/ Kandidati për deputet sillet me helikopter në QSUT

Kandidat për deputet i Partisë Socialiste, Melaim Damzi, është nisur me helikopter në Qendrën Spitalore Universitare “Nënë Tereza” në Tiranë, për shkak të gjendjes së tij të rënduar shëndetësore.

Gazetarja e ABC, Ema Shazivari, bën me dije se nuk është raportuar që Damzi të jetë i infektuar me Covid-19, ndërsa struktura spitalore e QSUT prej një viti përdoret për trajtimin e pacientëve me covid.

Damzi është mjek në profesion ndërkohë ndodhet i katërti në listat e Partisë Socialiste për qarkun Dibër. Pak ditë më parë është prezantuar nga PS si kandidat për një ulëse në Kuvendin e Shqipërisë.