E trishtë/ U nis para katër ditësh në Turqi, virusi i merr jetën 31 vjeçarit pa asnjë sëmundje

Një tjetër i ri në vendin tonë ka ndërruar jetë për shkak të infektimit nga C OVID19.

Bëhet fjalë për një 31 vjeçar nga Vlora, i cili sipas informacioneve nuk vuante nga asnjë sëmundje bashkëshoqëruese.

I ndjeri quhet Myrtezan Memushaj dhe ka humbur jetën në Turqi.

Fillimisht ai ndodhej i shtruar prej më shumë se një muaji në Tiranë por më pas ishte dërguar jashtë shtetit pasi gjendja e tij shëndetësore ishte përkeqësuar ndjeshëm.

Por pavarësisht përpjekjeve të familjarëve dhe mjekëve, i riu nuk ka arritur dot të mposhtë virusin e rrezikshëm.

Në ditët e fundit situata e C ovid në vendin tonë është shumë shqetësuese, ku rastet e fataliteteve janë përhapur dhe në radhët e të rinjve, dhe personave që nuk kanë pasur më herët sëmundje të tjera.

Jo më larg se dy ditë më parë një 32 vjeçar nga Belshi ndërroi jetë në spitalin C ovid2 në Tiranë, ndërsa ekspertët e lidhin këtë shtim të rasteve të rënda me qarkullimin e mutacioneve të reja të koronavirusit, kryesisht atij britanik, që është konfirmuar dhe nga ISHP.