“Mënyra të ndryshme kërcimi nga belaja”/ Rama ironizon Kryemadhin që kërcen dhe Metën 

Kryeministri Edi Rama ka ironizuar kryetaren e LSI, Monika Kryemadhi dhe presidentin Ilir Meta, teksa në Instagramin e tij ka publikuar një video.

Rama zgjodhi të shkëpusë një moment të presidentit gjatë një konferencë për shtyp, ku bashkëngjitur ka shfaqur bashkëshorten Kryemadhin, duke kërcyer me blogerin Olti Curri.

Video nis me fjalët e presidentit Meta që thotë: “Përgjigja do të jetë një popull i tërë ndaj ca lëtyrave”. Më pas, shfaqet Kryemadhi dhe Curri duke kërcyer,  në vazhdën e një humori.

“Orë vallëzimi – Mënyra të ndryshme kërcimi nga belaja, Hyrja pa pagesë, fikni celularin”, shkroi kryeministri.