Aksident i rëndë/ Shoferi humb kontrollin dhe përfundon në rrugë, plagoset 16 vjeçarja

Një aksident i rëndë ka ndodhur mëngjesin e sotëm në fshatin Suk të Fierit.

Mësohet se një automjet që drejtohej nga shtetasi I. B., 24 vjeç, banues në Berat ka dalë nga rruga. Për pasojë ka mbetur e lënduar pasagjerja 16 vjeçe. Grupi hetimor po punon për zbardhjen e plotë të rrethanave të ngjarjes.

“Sot rreth orës 07:30, në fshatin Suk, Fier, shtetasi I. B., 24 vjeç, banues në Berat ,duke drejtuar automjetin tip “Benz”, ka humbur kontrollin e mjetit dhe ka dalë nga rruga.

Për pasojë është dëmtuar drejtuesi i automjetit dhe pasagjerja 16 vjeçe, banuese në Berat, të cilët ndodhen në spital nën kujdesin e mjekëve. Grupi hetimor po punon për zbardhjen e plotë të rrethanave të ngjarjes”, njofton policia.