Përplasja te zyrat e FRD-së, policia shpall në kërkim dy persona

Policia e Shtetit shpalli në kërkim 2 persona në lidhje me përplasjet që ndodhën gjatë ditës së djeshme pranë zyrave të partisë Fryma e Re Demokratike. Përplasja ndodhi për shkak se policia kërkoi që kjo forcë politike të lironte zyrat.

Ndërkaq mësohet se Agim Hoxhaj dhe Afrim Sufa janë dy persona të cilët u shpallën në kërkim pasi sipas policisë kanë kundërshtuar punonjësit e policisë Bashkiake.

Njoftimi i policisë 

Më datë 13.03.2021, u referuan materialet në Prokurorinë pranë Gjykatës së Shkallës së Parë Tiranë, dhe punohet për kapjen e  shtetasve A. H., 55 vjeç dhe A. S., 46 vjeç, sepse më datë 12.03.2021, në rrugën “Abdi Toptani”,  kanë hyrë të paautorizuar në një godinë, duke kundërshtuar punonjësit që kryejnë një detyrë shtetërore ose një shërbim publik, të cilët kanë qenë në ruajtje të objektit. Punohet për kapjen e shoqërimin e tyre.

Materialet i kaluan Prokurorisë së Rrethit Gjyqësor Tiranë, për veprime të mëtejshme.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern