Protesta e djeshme, delegacioni i BE thirrje opozitës: Dhuna nuk mund të tolerohet

Pas protestës së djeshme ka reaguar sot Delegacioni i Bashkimit Europian në Tiranë.

Në deklaratën zyrtare thuhet se dhuna nuk mund të tolerohet në asnjë rrethanë.

Zyra e Bashkimit Europian u drejtohet protestuesve dhe i bën thirrje të tregojnë përmbajtje dhe përgjegjësi.

“Protesta paqësore është një vlerë thelbësore e një demokracie moderne evropiane. Dhuna nuk mund të tolerohet në asnjë rrethanë.

Duke pasur parasysh protestat e shpallura sot dhe në ditët e ardhshme në Tiranë, Delegacioni i Bashkimit Evropian u bën thirrje protestuesve dhe udhëheqësve të tyre politikë të tregojnë përgjegjësi dhe përmbajtje.

Pikëpamjet e ndryshme politike duhet të trajtohen përmes debatit dhe dialogut.”, shkruhet në deklaratë.