“Nuk kam asnjë konflikt” I vunë tritol në makinë, zbardhet dëshmia e prokurorit të njohur: Sulmi lidhet me detyrën

Gjatë dëshmisë prokurori Arjan Muça ka deklaruar se mjeti që iu vu tritol ishte në pronësi të tij.

Mirëpo, ai ka shtuar se nuk ka asnjë konflikt me njeri.

Ndër të tjera, Muça është shprehur se sulmi ka lidhje me detyrën e tij si prokuror.

Kjo ishte një pjesë nga dëshmia që prokurori Arjan Muça tha para policisë teksa u mor në pyetje pas sulmit me tritol që i vendosën në mjetin e tij. Nisur nga deklarimet e tij, policia e ka referuar çështjen për shkak të detyrës dhe po heton në këtë drejtim.

Gjithashtu, pritet që në pyetje të merrret dhe bashkëshortja e prokurorit e cila po ashtu përdorte mjetin. Muça bëri të ditur se mjetin ka dy vite që e ka në pronësi, si dhe vendi ku parkohet është i njëjtë prej vitesh.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Gentiana Muça, bashkëshortja e prokurorit, ka qenë gjyqtare pranë Gjykatës Administrative në Gjirokastër dhe tanimë është transferuar në Apelin e Tiranës. Hetimet për sulmin, janë ndarë në dy pjesë që lidhen me punët respektive të çiftit.