Njihuni me 91-vjeçarin që ka lexuar qindra libra/ Nuk ka asnjë ditë shkollë (Video)

Ndonëse është 91-vjeç, Avdyl Curri nga Samadrexha e Suharekës vijon të ketë një mënyrë jetese tejet aktive.

Në kohë dimri, ai mundohet të ndihmojë familjarët e tij me punët e shtëpisë.

Sapo mbaron “detyrimet” e ditës, gjen qetësi në vendin e tij të preferuar dhe fillon të lexojë libra.

“Libri për mua është qef e dashni. Unë knaqna kur lexoj”, shprehet Curri për emisionin #Gjesi në T7.

Përkundër moshës, i moshuari vijon të lexojë pa syze. Në sirtarin e tij ndodhen me qindra libra.

“Gjsmën e tyre i kam lexuar me duar të lidhura”, rrëfen ai teksa tregon se gjatë jetës ka qenë në burg.

Megjithësë ai lexon shumë libra, tregon se nuk ka qenë në shkollë as edhe një ditë të vetme.