Në listën e deputetëve/ Toni Gogu jep dorëheqjen nga posti i prefektit

Prefekti Toni Gogu pas përfshirjes në listën e kandidatëve për deputetë, ka dhënë dorëheqjen duke i lënë vendin e postit të prefektit Mersin Murataj.

Ndërkaq, ditën e sotme Këshilli i Ministrave ka emëruar Muratajn në krye të PRefekturës së Tiranës, i cili vjen nga një eksperiencë e gjatë në një tjetër institucion të qeverisjes vendore, atë të Qarkut të Tiranës.

Mersin Murataj ka drejtuar së fundmi Drejtorinë e Administrimit dhe Mbrojtjes së Tokës të Qarkut Tiranë, funksion i deleguar i qeverisë përmes Ministrisë së Bujqesisë.

I diplomuar në fushën e Drejtësisë, Murataj ka drejtuar edhe më herët sektorë të ndryshëm të bujqesise në zona si Kamëz, Vorë etj.