Pse nuk i lini të bëjnë punën?/ Manastirliu: Mjekët kontribuojnë dhe në parlament

Ministrja e Shëndetësisë Ogerta Manastirliu diskutoi rreth situatës së pandemisë. Teksa u pyet se përse qeveria nuk i lë mjekët të bëjnë punët e tyre, por i përfshin në politikë, Manastirliu u shpreh se nuk shihet aspak si diçka negative, pasi sipas saj Luljeta Bozo dhe Najada Çomo mund të kontribuojnë edhe në parlament përmes dijeve të fushës së tyre.

Pyetje: Pse si lënë mjekët të bëjnë punën e tyre në spital?

Manastriliu: Qoftë Najada Çomo dhe profesoresha Luljeta Bozo, janë figura që simbolizojnë dhe kanë spikatur në fushën e veprimtarisë së tyre. Kanë mundësi të kontribuojnë edhe në parlament dhe nuk ka asgjë të keqe. PS në lista e saj ka jo vetëm zonja të nderuara, por ka rreth 40% gra, ka 20% të rinj. Ne të gjithë jemi pjesë e një skuadre, këtë ma mësoi pandemia.