“Duhet të sigurohemi që…” Angela Merkel del me paralajmërimin e fortë në Ditën e Gruas

Pandemia vijon të jetë një nga kërcënimet më të mëdhaja aktualisht për njerëzimin.

Ndërkohë kancelarja Angela Merkel ka njoftuar se kjo situatë që po kalojmë përbën një rrezik gjithashtu dhe për barazinë gjinore.

Gruaja e ‘hekurt’ e Europës paralajmëroi se pandemia po e kërcënon barazinë në të gjitha sferat e jetës.

“Ne duhet të sigurohemi që pandemia nuk po na rikthen në stereotipat e vjetra gjinore që menduam se i kishim kapërcyer.”, tha kancelarja.

Ajo theksoi se çështjet e punës dhe kujdesit ndaj fëmijëve edhe për shkak të mësimdhënies online, gjatë pandemisë kanë rënë më tepër mbi shpatullat e grave.

Kancelarja tha se qeveria federale po punonte për krijimin dhe zgjerimin e ambienteve të kujdesit për fëmijët, veçanërisht e moshës parashkollore, në mënyrë që t’u lehtësonte grave punën.

Merkel ka shprehur edhe shqetësimin e saj lidhur me pagat e pabarabarta mes burrave dhe grave, duke argumentuar se meqenëse ata luajnë role po aq të rëndësishme duhet të fitojnë të njëjtën shumë.

“Kjo është arsyeja pse ne kemi nevojë për barazi në të gjitha fushat e shoqërisë!”

Gjermania ka një nga boshllëqet më të mëdha të pagave mes gjinive në Evropë, me gratë që fitojnë mesatarisht 19% më pak se burrat në 2019.

Kjo ka të bëjë kryesisht edhe me faktin se ato punojnë me kohë të pjesshme për shkak të detyrimeve në shtëpi.

Në një raport të publikuar nga BE, zbuloi se pandemia koronavirusit ka përkeqësuar pabarazinë ekzistuese midis grave dhe burrave në pothuajse të gjitha fushat e jetës.