Zjarr i madh në Berat/ Alarmohet qyteti, digjen katër banesa. Policia dhe zjarrfikësit urgjent në vendngjarje

Digjen katër banesa gjatë natës  që lamë pas në qytetin e Beratit.

Nga informacionet që bën me dije policia, zjarri ka rënë fillimisht në banesën e shtetasit me iniciale J.V, por më pas është përhapur dhe në dy banesa të tjera ngjitur, në pronësi të shtetasve R.S dhe P.N. Nga flakët e mëdha, është djegur dhe një apartament në katin e 3 të pallatit ngjitur.

Deri tani ende nuk dihet nëse ka persona të lënduar apo jetë të humbura, pasi dhe flakët nuk janë shuar ende.

Grupi hetimor është në vendgjarje, në lagjen Muzakaj, ku po bënë kqyrjen e vendit të ngjarjes, nëse ka jetë njerëzish të humbura dhe për të përcaktuar shkakun e rënies së zjarrit.

NJOFTIMI ZYRTAR I POLICISE

“Gjatë natës në banesën e shtetasit J.V., ka rënë zjarrë, për pasojë zjarri është përhapur dhe në dy banesa të tjera ngjitur, të shtetasve R.S dhe P.N si dhe në katin e tretë të pallatit përballë në banesën e shtetasit M.H.

Pas ndërhyrjes së shërbimeve zjarrfikës zjarri është vënë nën kontroll.

Grupi hetimor është në vendgjarje ku po bënë këqyrjen e vendit të ngjarjes, nëse ka jetë njerëzish të humbura dhe për të përcaktuar shkakun e rënies së zjarrit”, thuhet në njoftimin e policisë.