Arrijnë 3 mijë dozat e para të vaksinës ruse Sputnik V në vend

Këtë të dielë  në Maqedoninë e Veriut kanë arritur 3.000 vaksina ruse Sputnik V, nga rreth 200.000 sa janë porositur nga Rusia për vaksinim të popullsisë.

Ministri i Shëndetësisë, Venko Filipçe, dhe ambasadori rus Sergej Bazdnikin, pritën vaksinat në Aeroportin Ndërkombëtar të Shkupit. Ato thanë se këto doza do tu jepen të moshuarve, të sëmurëve kronikë si dhe kategorive të tjera.

“Vaksina është e sigurt dhe efikase. Jemi të gatshëm t’i ndihmojmë popullit maqedonas me të cilin ndajmë vlera të përbashkëta. Jemi të gatshëm që bashkëpunimin ta zgjerojmë edhe në sfera tjera”, ka deklaruar ambasadori i Rusisë në Shkup, Sergej Bazdnikin.

Në Maqedoninë e Veriut kanë arritur rreth 8.000 doza të Pfizer, edhe atë si ndihmë nga Serbia.