U dhunua barbarisht nga policia, mjekët flasin për gjendjen e Sait Dollapit: Ka nxjerre të shpatullës, nuk ndërhyjmë dot

Sahit Dollapi, sekretari organizativ i Partisë Demokratike ndodhet aktualisht i shtruar në Spitalin e Traumës.

Pasi u arrestua me dhunë nga policia, Dollapi u dërgua nga komisariati në spital, për shkak të plagëve që i ishin shkaktuar nga policët të cilët e dhunuan me shkop gome.

Dollapi është lënë i lirë dhe vijon të qëndrojë në spital. Gazetari i “News 24” Erion Skëndaj i “Neës 24” tha sot se përveç Dollapit, në spital aktualisht nuk ndodhet asnjë tjetër i lënduar nga protesta.

Dollapi si pasojë e dhunës ka pësuar nxjerrje të shpatullës nga vendi dhe po mbahet nën mbikëqyrje nga mjekës. Mjekët kanë thënë se nuk mund të kryejmë asnjë ndërhyrje pasi Dollapi vuan nga zemra.

Sipas tyre ai ka kryer tre herë ndërhyrje në zemër.

Për këtë arsye Sait Dollapi po mbahet nën survejim, ndërsa një tjetër plagë e shkaktuar është në njërin gju po pa lëndime serioze.