LIGJET E BIZNESIT
Një nga problemet më të mëdha me të cilën po përballet Tirana është edhe ndërtimi pa kriter i ndërtesave të larta dhe mungesa e hapësirave publike.
Ambjentalisti Sazan Guri tregon se Tirana është kthyer në një vend ku fqinji është bërë pjestar i familjes. Këtë koment ai e shoqëron me shtesën se pallatet janë ngjitur me njëri-tjetrin.
“Sot Tirana është një qytet që me telekomandë e kam thënë dhe para 15 vitesh por tani mund ta thuash më shpesh , që me telekomandë mund të fikësh televizorin tjetrit. Nëse harron dritaren e tualetit hapur mund të dhurosh spektakël falas për fqinjin tjetër sepse e ke afër. Do të kalosh te fqinji mund të vendosësh një dërrasë si në Napoli”- thotë Guri.
