Ikin dhe prurjet e reja nga PS/ Kjo është kandidatja tjetër për deputete që tërhiqet papritur nga gara

Vijon tërheqja nga gara e kandidatëve për deputete për zgjedhjet elektorale në Partinë Socialiste.

Pas Besnik Bares dhe Sadi Vorpsit, duket se edhe prurjet e reja po mbajnë të njëjtin qëndrim.

Mësohet se Reme Lala, e cila pranoi të kandidojë nën siglën e Partisë Socialiste ka vendosur të dorëzojë dorëheqjen në selinë rozë.

Por ende nuk dihen motivet që e  çuan deputeten të marrë këtë vendim.

Kujtojmë se Reme Lala e zyrtarizoi vetë faktin se në mandatin e dytë do të garonte për Partinë Socialiste. Përmes një statusi në rrjetet sociale ajo rikonfirmoi se këtë herë do të garonte nën siglën rozë.

PS e kishte caktuar atë të garonte në zonën e Kamzës dhe Paskuqanit, por nuk dihet nëse është zona e vendosur që e ka bërë Lalën të tërhiqej.