LIGJET E BIZNESIT
Shkon në 2 numri i viktimave nga aksidenti masiv që ndodhi sot në mëngjes në Rrogozhinë, ku u përplasën 3 automjete.
Mësohet se ka ndërruar jetë edhe një grua, e cila ishte pasagjere në një nga mjetet e përplasura.
Më herët në vendngjarje ndërroi jetë një 54 -vjeçar, i cili ishte drejtuesi i një prej mjeteve të aksidentuara.
Burimet bëjnë me dije se 54-vjeçari me inicialet T.M i cili ishte dhe viktima e parë e aksidentit, është më detyrë oficer burgjesh, dhe ka qenë duke shkuar si zakonisht në punë, në momentin kur është përplasur me dy makina të tjera.
Në mesin e dy personave të plagosur që po luftojnë për jetën në spitalin e Durrësit është edhe një fëmijë, që ka qenë pasagjer në një prej mjeteve.
”Në vijim të informacionit së dhënë pak më parë, se si pasojë e një aksidenti ka humbur jetën njëri prej drejtuesve të mjetit ju bëjmë me dije se: Si pasojë e plagëve të marra ka ndërruar jetë në spital pasagjeria në mjetin tjetër me drejtues B. K”, njofton zyrtarisht Policia.
