E rëndë/ Vriten me armë dy të rinjtë shqiptarë, po lëviznin me makinë (EMRAT-FOTO)

Dy të rinj shqiptarë kanë mbetur të vrarë pas të shtënave me armë zjarri në lagjen Fushë-Topanë në Shkup.

Sipas mediave maqedonase, dy viktimat janë Afrim Berisha dhe Burim Vardar. Ata janë qëlluar teksa ndodheshin në makinën e tyre.

“Më 05.03.2021 në orën 02.35 në SPB-Shkup është denoncuar se në Bulevardin “Brigada Maqedono-Kosovare” janë dëgjuar të shtëna. Pas daljes në vendngjarje të zyrtarëve policor, është gjetur automjeti “Citroen” me tabela të regjistrimit të Shkupit dhe dy persona që nuk kanë dhënë shenja jete. Nga ana e mjekut të Ndihmës Urgjente Mjekësore është kontatuar vdekja e dy personave. Janë gjetur gëzhoja nga armë zjarri (pistoletë dhe armë automatike).

Është vërtetuar identiteti i personave A.B (28) dhe B.V (24), të dy nga Shkupi. Po merren masa dhe aktivitete për zbardhjen e rastit”,- thuhet në njoftimin e policisë.