93-vjeçari ndahet nga gruaja, sho.kon me deklaratën: Kam një tjetër, dua të jem i lirë

Arsyeja është hyrja në skenë e një personi të tretë: një zonjë pak a shumë në të njëjtën moshë me çiftin, të cilin 93-vjeçari do ta kishte njohur në një klub dhe do ta kishte dashuruar marrëzisht.

Gruaja 86-vjeçare fillimisht ia kishte mohuar burrit të saj rrugën e ndarjes konsensuale. Asaj iu desh t’i nënshtrohej presionit të ish-partnerit dhe përpara gjykatësit erdhi vendimi i përbashkët për t’i dhënë fund martesës së gjatë.

93-vjeçari, ishte i vendosur të shkonte deri në fund. Javët e fundit, me gjithë “jo”- të e përsëritura të gruas së tij për ndarjen me marrëveshje të përbashkët, ai i kërkoi avokatit të mblidhte dokumentet.  “Unë dua që të më kthehet liria ime, unë dua të rindërtoj jetën time”, thoshte ai, i prerë.

Përpjekjet e fëmijëve të çiftit për ta bërë babain të heqë dorë ishin të kota. Pensionisti donte me çdo kusht të ishte i lirë për të jetuar me një grua tjetër.

Pas një ndërmjetësimi të lodhshëm midis dy bashkëshortëve, ai arriti të formulonte një propozim pajtimi. Të dy e pranuan. Ai do të largohet nga shtëpia dhe do të paguajë asaj një ndihmë mujore prej 300 eurosh.

Përballur me mundësinë e një shtyrjeje për disa muaj, 90-vjeçari vendosi të pranojë kushtet e propozuara nga ana e gjyqtarit. Të enjten e kaluar zgjidhja e mosmarrëveshjes u arrit.

Nëse 93-vjeçari nuk ndryshon mendim, ai do të jetë në gjendje të paraqesë kërkesën për divorc në gjashtë muaj.