K*rcënohet ish-kryeministri/ I dërgohet një zarf me dy plumba

Një zarf me dy plumba i është dërguar ish-kryeministrit italian, njëkohësisht edhe kryetarit të partisë “Italia Viva”, Matteo Renzi.

Kërcënimi i cili u dërgua në Senat, u dënua ashpër nga klasa politike.

“Ne nuk frikësohemi nga kërcënime të tilla”, është shprehur Teresa Bellanova, ish-ministre e qeverisë Renzi.

Mediat italiane shkruajnë se Matteo Renzi është përballur me kritika të shumta muajt e fundit, pasi hoqi dorë nga koalicioni i formuar me ish-kryeministrin Giuseppe Conte.

Partia që ai kryeson, “Italia Viva”, është tashmë pjesë e qeverisë së re të unitetit kombëtar, e udhëhequr nga ish-shefi i Bankës Qendrore Evropiane, Mario Draghi.