LIGJET E BIZNESIT
Një Shqiponjë mali e njohur me emrin “Aquila Chrysaetus” është gjetur e sëmurë dhe në gjendje shumë të dobët fizike në Malin e Tomorrit.
Shqiponja u gjet nga një roje Mjedisore të Agjencisë së Zonave të Mbrojtura në Berat. Ajo u kap me kujdes dhe në bashkëpunim me Agjencinë e Zonave të Mbrojtura në qytetin e Fierit, është transportuar drejt qendrës së rehabilitimit të shpendëve të egra, në afërsi të Parkut Kombëtar Divjakë-Karavasta, ku edhe do të marrë ndihmën e nevojshme mjekësore.
Pasi u kryen grafitë dhe diagnostifikimi paraprak, dyshohet se shpendi i rrallë mund të jetë përplasur me masiv shkëmbor gjatë gjuetisë për t’u ushqyer nga ndonjë gjitar, i cili i ka dëmtuar lehtësisht njërin krah. Tashmë shqiponja ndodhet në nën kujdesin e mjekëve dhe pas shërimit do të kthehet në arealin e vetë natyror.
