Me pranga në duar/ Del nga qelia gjyqtarja Enkeleda Hoxha, shoqërohet për në KLGJ

Gjyqtarja e Krujës Enkeleda Hoxha ka dalë nga qelia sot në mëngjes për tu shoqëruar në Këshillin e Lartë Gjyqësor.

Ajo është paraqitur me pranga në duar dhe maskë të zezë anti- C OVID19.

Hoxha do të përballet me kërkesën për shkarkimin e saj ardhur nga një hetim i nisur fillimisht për lirimin e Hekuran Billës, i cili u ekzekutua në Tiranë pas daljes nga burgu.

Kujtojmë se gjyqtarja e njohur e Krujës u arrestua në 11 shkurt nën akuzën e korrupsionit dhe shpërdorimit të detyrës, pasi sipas SPAK dhe GJKKO ka liruar nga burgu në shkelje të rregullave disa personazhe të njohur të botës së krimit, përfshirë Indrit Doklen, Admir Tafilin apo Ilir Pajën. Gjyqtarja është shoqëruar me makinën e policisë së burgjeve, drejt ambienteve të KLGJ-së , ndërkohë që shihet me pranga në duar.