I riu u vra në Vlorë/ Kush janë dy personat e shpallur në kërkim për ngjarjen (EMRAT)

Ditën e djeshme Vlora u trondit nga një vrasje e cila ndodhi në afërsi të Gjykatës së Apelit.

Ndërkohë janë identifikuar dy personat e shpallur në kërkim nga policia si autorë të dyshuar për ekzekutimin e të riut 31-vjeçar Taulant Gjikaj.

Bëhet me dije se ata janë Skedjan Gabrani dhe Elton Hajnaj.

Sipas informacioneve të dy këta persona ndodheshin në makinë bashkë me 44-vjeçarin Hansi Jonuzi, i cili u arrestua gjatë ditës së djeshme nga Policia, ndërsa në mjet u gjet dhe arma e përdorur në vrasjen e Gjikajt.

Ndërkohë uniformat blu kanë shoqëruar 12 persona që mund të kenë parë skenën e krimit dhe të kenë dijeni për vrasjen dhe janë kryer kontrolle në disa banesa me qëllim kapjen e autorëve.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Pamjet e kamerave të sigurisë, të cilat kishin fiksuar dhe momentin e vrasjes, kanë ndihmuar policinë që të bjerë në gjurmët e autorëve.

Gjikaj u ekzekutua mesditën e djeshme pranë rrugës Transballkanike në Vlorë, në afërsi të Gjykatës së Apelit, me breshëri kallashnikovi.

Forcat policore mundën të arrestonin menjëherë pas ngjarjes së rëndë 44-vjeçarin Hans (Andi) Jonuzaj të cilit iu sekuestrua një armë automatike në makinë, si dhe shpallën në kërkim bashkëpunëtorët e tij.

Në dëshminë e parë para hetuesve, i arrestuari Hans (Andi) Jonuzaj ka mohuar autorësinë. “Nuk e kam kryer unë krimin” mësohet të ketë thënë 44-vjeçari, i cili ka disa biznese në qytetin bregdetar.

Mësohet se pista kryesore mbi të cilën po hulumtojnë hetuesit është ajo e prishjes së pazareve të drogës.

Viktima është një person me precedent të mëparshëm penali, i arrestuar për armëmbajtje pa leje gjatë një konflikti me armë mes bandave në qytetin e Vlorës në vitin 2017.

Pas kqyrjes së vendit të ngjarjes ditën e djeshme 31-vjeçarit të ndjerë i është gjetur në brezë një armë zjarri tip pistoletë.