Vetvendosje kryesuese/ Përfundon numërimi i votave me postë në Kosovë

Në Kosovë, në Qendrën e Numërimit dhe Rezutateve ka përfunduar procesi i numërimit të fletëvotimeve të ardhura nga jashtë. Ndërkaq, referuar rezultateve përfundimtare, Vetëvendosja ka siguruar 58 vende në Kuvendin e Kosovës ose 49.9%.

Pasohet me Partinë Demokratike të Kosovës me 19 deputetë. Ndërsa Lidhja Demokratike e Kosovës ka siguruar 15 vende. Kurse Aleanca për Ardhmërinë e Kosovës 8 deputetë. Rezultatet përfundimtare të zgjedhjeve do të shpallen nesër, e enjte 4 mars.

“Ju njoftoj se rezultatet përfundimtare për subjektet politike dhe kandidatët do të shpallen nga Komisioni Qendror i Zgjedhjeve, ditën e enjte, më 4 mars. Rezultatet përfundimtare, ndër tjerash, do të përfshijnë rezultatet për të gjitha subjektet politike dhe kandidatët pjesëmarrës në zgjedhje, dhe atë sipas vendvotimeve, qendrave të votimit, komunave dhe rezultatet e votave me kusht e atyre me postë”, ka thënë Valmir Elezi zëdhënës i KQZ-së.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern