LIGJET E BIZNESIT
Kryetari i Partisë Demokratike Lulzim Basha ka pritur sot në takim kryeministrin e zgjedhur të Kosovës Albin Kurti.
Basha deklaroi se kishte garantuar Kurtin se si kryeministër i Shqipërisë nesër do të bëjë gjithçka për të rritur dhe forcuar bashkëpunimin me Kosovën.
“Prita sot me kënaqësi liderin e Lëvizjes Vetëvendosjes, kryeministrin në ardhje të Kosovës Albin Kurti. E urova për fitoren e zgjedhjeve parlamentare, dhe modelin që Kosova i dha Shqipërisë dhe gjithë rajonit për mënyrën e organizimit të zgjedhjeve edhe pse në kushte pandemie.
Biseduam për sfidat që ka përpara Shqipëria dhe Kosova. Nënvizova gjatë takimit me zotin Kurti nevojën jetike që ka Shqipëria për ndryshim në zgjedhjet e 25 Prill dhe e garantova se nesër si kryeministër i Shqipërisë do të bëj gjithçka për të rritur dhe forcuar bashkëpunimin me Kosovën në funksion të zhvillimit ekonomik, punësimit, njohjes së saj nga vende qe ende se kanë bërë si dhe antarësimit në institucionet ndërkombëtare”, shkruan Basha në një postim në rrjetet sociale.
