LIGJET E BIZNESIT
Pas fitores kryeministri i ri i Kosovës Albin Kurti ka thënë se do vijë të votojë për 25 prill në zgjedhjet parlamentare, duke shfrytëzuar kështu pasaportën shqiptare.
“Unë do të vij të votoj në 25 Prill në Shqipëri”, u shpreh Kurti, ndërsa ftoi qytetarët të votojnë 3 kandidatët për deputetë të Vetëvendosjes.
Ai është pyetur gjithashtu në lidhje me marrëdhënien që do të mbajë me Tiranën zyrtare.
Kuri u përgjigj se ato do të jenë më të mirat që një kryeministër i Kosovës ka patur ndonjëherë.
“Unë do të kem marrëdhëniet më të mira që ka pasur një kryeministër i Kosovës me Shqipërinë. Do të takoj edhe drejtuesit më të lartë shtetërorë këtu dhe do të ndalem në takime në tre qytetet ku kandidojnë aktivistët e VV-së”, tha Kurti.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Sa i takon gjykatës së Hagës, Kurti tha se ajo është e imponuar nga jashtë.
“Gjykata speciale në Hagë është e imponuar nga jashtë, dhe është instaluar për shkak të nga votimi të gabuar në Kuvend në datën 3 Gusht, ne kërkojmë që të kemi Gjykata normale në Kosovë, dhe me qeverisjen tonë të re do të rregullojmë imazhin e Kosovës duke sjellë drejtësi për qytetarët”, u shpreh më tej Kurti.
