“Do i çoj në SPAK” E paralajmëroi dje, Kryemadhi del në konferencë dhe flet për fakte kundër Ramës

Ashtu siç e paralajmëroi një ditë më parë, kryetarja e LSI Monika Kryemadhi ka dalë sot në një konferencë urgjente për mediat.

Ajo deklaroi se të gjitha dokumentet janë të faktuara për kryeministrin Edi Rama dhe do të dërgohen në SPAK për hetim.

Kryemadhi denoncoi se landfilli i Tiranës është ndërtuar si një aferë e madhe korruptive.

Në fjalën e saj, numri një i LSI shtoi se do të paraqesë faktet sesi ministrat kanë vjedhur qytetarët.

PJESE NGA FJALA E KRYEMADHIT:

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ashtu siç kam deklaruar dy ditë më parë, do të paraqes sot të vërtetat tronditëse, të dokumentuara, se si ministra, shtetarë dhe drejtues të tjerë të lartë të shtetit kanë kryer vjedhjen më të madhe të dokumentuar në 100 vite shtet. Përpara pak ditësh jam vendosur në dijeni të disa fakteve shokuese për aferën korruptive të inceneratorëve, më saktë të inceneratorit të Qarkut të Tiranës.

Me përgjegjësinë për të thënë të vërtetën dhe me bindjen e palëkundur timen që LSI ka zero tolerancë ndaj çdo afere korruptive, ka zero tolerancë ndaj çdo bashkëpunimi të institucioneve shtetërore me grupet mafioze. Ka zero tolerancë ndaj çdo grabitjeje që u bëhet xhepave të shqiptarëve.

Prandaj jam sot këtu, me personin tim fizik, për të denoncuar këtë aferë, bazuar e tëra në dokumente shtetërore, me firmë dhe me vulë, me korrespondencë ligjore, haptas, qartas, sesi shkelen totalisht ligjet e shtetit shqiptar, Kushtetuta e Republikës së Shqipërisë, por më e rënda është se si tallen me shqiptarët dhe taksat e tyre, të cilët në mjerim vazhdojnë t’i paguajnë çdo ditë.