Prokuroria për Klodian Rashën/ 25-vjeçari nuk kishte armë, efektivi i Shqiponjave akuzohet për “vrasje me dashje”

Dalin në dritë të tjera detaje nga dosja “Klodian Rasha”.

Referuar organit të akuzës, Klodian Rasha nuk ka pasur armë me vete në momentin kur po ndiqej nga dy policët e Shqiponjave. Madje, as në momentin e vrasjes ai nuk ka pasur në dorë armë, siç pretendonte fillimisht Nevaldo Hajdaraj.

Prokurori që ndoqi çështjen ka mbyllur hetimet për vrasjen dhe i akuzuari i vetëm është ish-efektivi i Shqiponjave Nevaldo Hajdaraj. Ky i fundit akuzohet për veprën penale “Vrasje me dashje”.

Organi i akuzës po ashtu ka zgjidhur dhe enigmën e pistoletës që u gjet në një rrugë dhjetra metra larg vendit ku humbi jetën 25-vjeçari.

Rezultoi se ajo nuk është e Klodian Rashës.

Sipas hetimeve të kryera nga Prokuroria e Tiranës, rezulton se vrasja e Klodian Rashës është bërë me dashje, dhe mund të evitohej nga polici që po e ndiqte.