“Pranvera kuqezi po vjen” Meta rikujton 2 marsin 2020 dhe bën paralajmërimin e fortë

Sot presidenti Ilir Meta është kthyer një vit pas në kohë duke kujtuar 2 marsin e 2020.

Atë ditë mijëra qytetarë iu përgjigjën thirrjes së tij për të dalë në shesh dhe protestuar paqësisht në mbrojtje të Kushtetutës.

Kreu i Shtetit ka akuzuar dhe vazhdon të akuzojë për këtë kryeministrin Edi Rama dhe qeverinë e tij.

Me anë të një videomesazhi, Meta falenderon qytetarët që iu bashkuan thirrjes së tij dhe kërkon prej tyre të vazhdojnë misionin e nisur për ta përfunduar në 25 prill.

Meta tha se së bashku ashtu si në 2 Mars 2020 të bashlkohemi në 25 pril për të rivendosur sovranitetin e plotë të popullit.

Ndërkohë 25 prillin e konsideron referendum historik.

PRANVERA KUQEZI PO VJEN!

Falënderim të përzemërt dhe mirënjohje të thellë, për të gjithë motrat dhe vëllezërit shqiptarë, të cilët një vit më parë ju përgjigjen thirrjes së Presidentit të Republikës, në mbrojtje të Kushtetutës dhe kundër grushtit të shtetit.
Misionin tonë, të nisur më 2 mars 2020, për rivendosjen e sovranitetit të plotë të popullit shqiptar ndaj të gjitha institucioneve, do ta çojmë deri në fund, nëpërmjet referendumit historik të 25 prillit 2021!
PRANVERA KUQEZI PO VJEN!