Duke filluar që sot/ Shtrëngohen masat në Kakavijë, ja çfarë duhet të dini para se të udhëtoni drejt Greqisë

Duke filluar që nga dita e sotme, do të hyjnë në fuqi masat e reja anti- C OVID19 në Greqi.

Me anë të këtij vendimi, është parashikuar që të shtrëngohen kufizimet.

Sipas njoftimit të Ministrisë së Europës dhe Punëve të Jashtme, prej ditës së sotme (1 mars) e deri në 15 mars, është vendosur që në pikën e kalimit kufitar të Kakavijës, të kufizohet numri i qytetarëve që do të kalojnë përditë.

Nga 750 që është numri i lejuar deri më tani do të shkojë në 400 në ditë. Po ashtu edhe ditët e karantinimit për personat që do të rezultojnë pozitivë do të zgjatet nga 7 në 14 ditë.

Gjithashtu mësohet se orari i lëvizjes do të reduktohet duke lejuar qarkullimin 12 orë në ditë, nga ora 07:00 e deri në orën 19:00.

Për të gjithë personat që do të hyjnë në Greqi, përjashtuar shtetasit shqiptarë, testi i shpejtë C OVID do të ndërmerret edhe tek shoferët e kamionëve të cilët kanë qenë të përjashtuar deri më sot.

MEPJ rikujtoi se Pikat e Kalimit në Kosovë, Maqedoni dhe Malin e Zi vijojnë të jenë të hapura dhe shtetasit shqiptarë mund të udhëtojnë drejt këtyre vendeve, pa pasur nevojë për PCR test negativë dhe pa iu nënshtruar masave të izolimit.