Shqiptari tërheq zvarrë fëmijën/ Aksidentohet rëndë 11-vjeçari

Një 52-vjeçar shqiptar ka aksidentuar me motor një fëmijë 11 vjeç në Greqi.

Ngjarja u regjistrua këtë të shtunë në rrugën ‘Miaouli’ në Chalkida. Sipas mediave greke 52-vjeçari tërhoqi zvarrë me motorr të miturin.

11-vjeçari u dërgua menjëherë në spital për ndihmë mjekësore dhe raportohet se ndodhet jashtë rrezikut për jetën.

Shqiptari fillimisht u shoqërua në polici, por më pas u vendos që ai të hetohej në gjendje të lirë.

Autoritetet po punojnë për zbardhjen e plotë të rrethanave të aksidentit.