Aksident i rëndë/ Përplasi për vdekje 16-vjeçarin, arrestohet drejtuesi i mjetit

Një aksident i rëndë ka ndodhur mbrëmjen e djeshme në Durrës.

Për pasojë ka humbur jetën një 16-vjeçar.

Ngjarja ndodhi rreth orës 18:00 në Sukth.

Burime zyrtare nga policia bëjnë me dije se bëhet fjalë për shtetasin me inicialet F. O., 16 vjeç, i cili ndërroi jetë pas disa orësh në spital.

Në vijim të veprimeve nga specialistët e Qarkullimit Rrugor në Drejtorinë Vendore të Policisë Durrës, u arrestua në flagrancë drejtuesi i mjetit tip “Benz”, shtetasi Gj. B., 54 vjeç, banues në Durrës, për veprën penale “Shkelje e rregullave të qarkullimit rrugor”.

Materialet i kaluan Prokurorisë së Rrethit Gjyqësor Durrës, për veprime të mëtejshme.