Greqia sërish në izolim pas rritjes së numrit të viktimave dhe infektimeve

Qeveria greke ka vendosur të shtyjë lockdoën-in e ashpër në periferinë e Atikës.

Ministri për Trajtimin e Krizave, Nikos Chardalias, ka thënë se situata është kritike pasi mbyllja totale për mbi një muaj nuk solli ulje të numri të të infektuarve.

80% e sallave të reanimacionit në spitalet Covid-19 kanë pacientë ndërsa shifra vjen çdo ditë duke u rritur.

Zona të kuqe mbeten Selaniku, Chalkidiki, Rethimno, Thasu, Thiveon, Kalimnos, Evia, Arkadia.

Ndërsa nga dita e sotme “të kuqe” janë dhe periferitë e Thesprotia, Igumenica, Arta, Siros, Iraklio, Korinthi, Samos, Dhidhimotiho dhe Amfilohia.

Këtë të premte në Greqi u shënuan 1.790 të infektuar, 317 pacientë janë në intubim, ndërsa humbën jetën 29 njerëz. Po sot u vaksinuan mbi 28.000 persona në të gjithë Greqinë.