Organizoi ceremoni mortore/ Pronarja e lokalit merr 1 milionë lekë gjobë, policia tregon çfarë ndodhi

Policia e Shtetit ka gjobitur me 1 milionë lekë pronaren e një lokali në Fiershegan.

Aksioni ndodhi pasi subjekti në fjalë ka shkelur Aktin Normativ duke organizuar ceremoni mortore.

Drejtoria Vendore e Policisë Fier, apelon për të gjithë pronarët dhe administratorët që të respektojnë me korrektësi masat anticovid duke bërë të mundur shkëputjen e zinxhirit të infektimit nga virusi

“Vijojnë kontrollet nga Policia për parandalimin e përhapjes së C OVID-19.

Ndëshkohet me masë administrative 1.000.000 lekë, 1 subjekt në Fiershegan, Lushnjë pasi u konstatua në kundërshtim me Aktin Normativ duke organizuar ceremoni mortore.

Krahas përmbushjes së detyrave funksionale për parandalimin, evidentimin dhe goditjen e paligjshmërisë, shërbimet e Komisariatit të Policisë Lushnjë kanë vijuar kontrrollet në terren për të monitoruar zbatimin e masave për parandalimin e përhapjes së COVID-19.

Si rezultat i kontrolleve, në Fiershegan, Lushnjë është evidentuar dhe ndëshkuar me masë administrative 1.000.000 lekë subjekti me pronare shtetasen F. K., pasi në kundërshtim me Aktin Normativ, u konstatua duke organizuar ceremoni mortore.

Drejtoria Vendore e Policisë Fier, apelon për të gjithë pronarët dhe administratorët që të respektojnë me korrektësi masat anticovid duke bërë të mundur shkëputjen e zinxhirit të infektimit nga virusi dhe fton qytetarët të denoncojnë në Komisariatin Dixhital cilindo administrator apo pronarë lokali që nuk i respekton këto masa kufizuese duke u kthyer në burim rreziku për qytetarët.”, thuhet në njoftimin zyrtar të policisë.