LIGJET E BIZNESIT
Ditën e sotme kryeministri Edi Rama ndodhet në Berat ku po mban një takim me drejtues të PS, deputetë, qytetarë dhe intelektualë të zonës.
Në krah të kreut të qeverisë, ndodhet dhe ish-ministri i LSI Nasip Naço.
Kujtojmë se ky i fundit ka kaluar pak kohë më parë në PS dhe deklaroi se do të merrte pjesë në fushatë me Blendi Klosin në Berat.
Ndërkohë, Rama e konsideroi Naçon si një mik special.
“Më vjen shumë mirë që jam këtu sot me disa prej kolegëve, dhe duke qenë se sot këtu bashkë me mua, me Blendin dhe kryetarin e Bashkisë është një mik special, pastaj do të jetë po kaq special sa të gjithë.
Nasipi që faktikisht është këtu si një deputet i kësaj zone, dhe si shprehje kuptimplotë e një fakti shumë të rëndësishëm në këndvështrimin tim, që në këtë zonë të çohen përpara projektet e nisura, për transformimin e të gjithë qarkut.
Sot kemi nevojë për mbështetjen e të gjithëve, sepse sfidat e mëdha të kësaj kohe të vështirë, nuk janë sfida të majta dhe të djathta, por janë sfida jetësore, për çlirimin e vendit, nga ankthi i këtij armiku të padukshëm. Është një sfidë jetësore që duhet ta fitojmë, dhe do të bëhet falë këtij bashkimi të madh të njerëzve, që iu përket të gjithëve, çdo qytetari”, ui shpreh Rama nga Berati.
