Dalin detaje të reja/ Ekzekutimi i Behar Sofisë, ja çfarë gjeti policia në celularin e viktimës

Dalin detaje të reja nga vrasja e 66 vjeçarit Behar Sofia ditën e djeshme.

Ngjarja ndodhi në mes të Tiranës, pranë Piramidës.

Mësohet se policia ka marrë në pyetje familjarët e viktimës, të cilët kanë mohuar që të kenë patur konflikte apo kërcënime kohët e fundit.

Gjithashtu ata kanë thënë se Behari kishte dalë të pinte kafe e më pas do të blinte diçka dhe do të kthehej në banesë. Sipas tyre, kur doli, Sofia nuk u tha se do të takonte njeri.

Nga kqyrja paraprake që i është bërë celularit të viktimës, nuk janë gjetur biseda me persona të dyshimtë, përveç familjarëve. Deri tani janë të shoqëruar të paktën 10 persona, të gjithë familjarë dhe të afërm të viktimës dhe asnjë person i dyshuar.

Behar Sofia, një emër mjaft i njohur për policinë dhe drejtësinë, u ekzekutua në një atentat mafioz mëngjesin e së enjtes, vetëm pak metra larg shtëpisë në mes të Tiranës.