Nusret ndodhet në Shqipëri? Nëse doni ta takoni ja në cilin qytet është kuzhinieri 

Burime për Bordo.al kanë treguar se kuzhinieri me famë botërore për momentin po qëndron në qytetin e Korçës.

Ende nuk dihet arsyeja se përse ai ka ardhur në vendin tonë. Mirëpo, të njëjtat burime bëjnë të ditur se kuzhinieri i famshëm mbrëmjen e së mërkurës është akomoduar në një nga hotelet më të njohura në qytetin e Korçës, i cili ka qenë i mbyllur për klientët e zakonshëm.

Kuzhinieri Nusret u bë i famshëm në rrjete sociale për mënyrën se si e hedh kripën në ushqime, me një teknikë sa të çuditshme po aq edhe të veçantë. Nusret Gökçe, i njohur me nofkën Salt Bae, është kasap, kuzhinier dhe restaurator turk, i cili zotëron Nusr-Et që është një zinxhir restorantesh luksoze.