Aksident në autostradën Tiranë-Durrës/ Kalimtari përplaset nga makina, humb jetën në vend

Aksident i rëndë në autostradën Tiranë-Durrës.

Mësohet se një person ka humbur jetën.

Sipas informacioneve paraprake, një burrë ka qenë duke kaluar rrugën në momentin që është përplasur nga një makinë.

Për pasojë, personi në fjalë, identiteti i të cilit nuk bëhet i ditur, ka ndërruar jetë në vend.

Shoferi që e ka përplasur nuk është larguar nga vendngjarja, por ka pritur ambulancën, e cila është vonuar për disa minuta.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

NJOFTIMI ZYRTAR I POLICISE

Durrës/Informacion paraprak

Më datë 25.02.2021, në orën 14:55, në autostradën Durrës-Tiranë, tek mbikalimi i Fllakës, një mjet me drejtues shtetasin E. B., 52 vjeç, ka aksidentuar këmbësorin, një shtetas ende të pa identifikuar rreth 60 vjeç, i cili për pasojë ka ndërruar jetë.

Drejtuesi i mjetit është shoqëruar në ambjentet e Policisë për veprime të mëtejshme.

Grupi hetimor ndodhet në vendngjarje dhe po punon për zbardhjen e rrethanave të aksidentit.