Mesazhi i ambasadores/ Një ditë pasi firmosi marrëveshjen me aleatët, Basha pret Yuri Kim në zyrë

Një ditë pasi kryetari i PD Lulzim Basha firmosi marrëveshjen me aleatët për krijimin e koalicionit të djathtë për zgjedhjet e 25 prillit, ambasadorja e SHBA Yuri Kim ka ‘zbarkuar’ në zyrën e tij në selinë blu.

Me anë të një reagimi, numri një i diplomacisë amerikane bën me dije se është njohur me programin zgjedhor të Partisë Demokratike dhe të partnerëve të saj.

Më tej, ambasadorja shprehet se gjatë takimit ka theksuar pritshmëritë e SHBA-së për kandidatë të pastër nga të gjitha partitë.

“Sot patëm një takim të shkëlqyeshëm. Për të dëgjuar programin zgjedhor të PD & partnerëve. Nënvizova pritjet për kandidatë të pastër nga të gjitha partitë. Ne gjithmonë do të jemi të përkushtuar për të forcuar marrëdhëniet, me respekt për vendimin e votuesve më 25 prill”,- thekson Yuri Kim.