Kryevepra e rrallë/ Del në ankand piktura e Van Gogh, është vlerësuar 5-8 milionë euro

Tashmë është bërë një ritual i zakonshëm që kryeveprat e piktorëve të famshëm në mbarë botën të nxirren në ankand.

E njëjta gjë do të ndodhë dhe me një pikturë të rrallë të artistit Van Gogh.

Do të jetë një koleksionist privat francez i cili do ta nxjerrë në ankand në fund të marsit në Paris.

Lajmin e ka dhënë shtëpia e ankandit, ku ka speficikuar se është një kanavacë e periudhës pariziene me pamje rruge në Montmartre, pikturuar në 1887.

Piktura në vaj ka përmasa 46 cm me 61 dhe vlerësimi i ankandit varion midis 5 dhe 8 milionë euro.

Kjo është një temë mjaft e rrallë për Van Gogh. Piktura përmendet në katalogë, por asnjëherë nuk është ekspozuar për publikun që nga viti 1920, kur u ble nga një familje franceze, e cila tani po e shet atë.

Para se të dalë në ankand në Paris, vepra do të ekspozohet në Amsterdam dhe Hong Kong.