LIGJET E BIZNESIT
Personi që shikoni në foto është Behar Sofia, 66-vjeçari që mbeti i vrarë në një atentat në “Rrugën e Elbasanit”, pranë Piramidës.
Ai u qëllua me dy plumba me një armë me silenciator, dhe nuk mundi të mbijetojë duke ndërruar jetë në spital.
Por 66-vjeçari rezultonte i dënuar jashtë vendit për trafikim të lëndëve narkotike.
Gjithashtu ai kishte patur disa biznese pranë stadiumit Dinamo në Tiranë, si bar/kafe dhe aktivitete të tjera, të cilat në disa raste janë sulmuar me tritol, ndërkohë që posedonte disa markete dhe kopshte.
Po ashtu mësohet se ai para disa vitesh ka qenë kapter dhe prej disa kohësh kishte jetuar në Turqi. Ditën e sotme, ka dyshime se ai mund të jetë nxjerrë në pritë, pasi lëvizte në këmbë, në trotuarin në krah të lumit të Lanës, kur është qëlluar me një armë sileniciatore.
Gjithashtu Behar Sofia nuk ishte një emër i panjohur.
Biznesmenë të shumtë e njihnin nga afër, i cili që prej vitit 1998 ka përdorur 4 emra. bëjnë me dije se prej kohësh ai banonte në pallatin ngjitur me qendrën tregtare ETC. Sofia ishte vendosur bashkë me familjen në një apartament në katin e 5-të.
Ndërkohë që një tjetër detaj i ri nga ngjarja është fakti se para vrasjes viktima ishte duke pirë një kafe në lokal. Në momentin që u ngrit nga tavolina dhe doli jashtë lokalit ai u qëllua me dy plumba dhe ra përtokë i plagosur.
Por nuk përjashtohet për hetuesit mundësia që pasi doli nga lokali ai të jetë futur në një makinë ku është qëlluar dhe më pas është hedhur i plagosur në rrugë.
