LIGJET E BIZNESIT
Mëngjesin e sotëm Tirana u trondit nga një ngjarje, ku një 66-vjeçar u ekzekutua me silenciator pranë zonës së Piramidës.
Viktima u identifikua si Behar Sofia (Seferi), i cili raportohet se njihej dhe me emrin Fatmir.
I plagosuri fillimisht mori dy plumba dhe nuk ka mundur të mbijetojë, duke humbur jetën në spital pasi mbërriti në gjendje të rëndë.
Me origjinë nga Berati, viktima kishte vite që ishte zhvendosur në Tiranë dhe ishte një emër i njohur për drejtësinë dhe policinë.
Rrethanat e ngjarjes janë ende të paqarta ndërsa dyshohet se për ekzekutimin e tij është përdorur armë zjarri me silenciator.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Policia po punon për zbardhjen e këtij ekzekutimi mafioz.
Behar Sofia njihet dhe si “Padrino i drogës”.
Emri i tij del në skenë dhe në ngjarjen e gushtit 2009 ku në Durrës u vranë 4 policë gjatë operacionit për të arrestuar Dritan Dajtin dhe mësohet se Sofia ishte i pranishëm aty.
Gjithashtu nga raportimet mësohet se viktima e sotme është arrestuar disa vite më parë së bashku me Abdulselam Turgut për trafikun e dhjetëra kilogramëve drogë nga Turqia në Shqipëri. Gjithashtu raportohet se bizneseve të tij pranë stadiumit Dinamo në Tiranë i janë vendosur shpesh tritol, por këto ngjarja janë trajtuar si paralajmërime që i bëheshin viktimës së sotme.
Po ashtu, është një person emri i të cilit është lakuar dhe në fushën e narkotikëve. Të njëjtat burime shtuan se jashtë vendit ka precedentë për krime që lidhen me lëndë narkotike.
