Ndjekës i emisioneve të dashurisë/ Ironizon Veliaj: PD është bërë si “Përputhen”

Kryebashkiaku i Tiranës, Erion Veliaj ka zhvilluar një takim me banorët e Njësisë 9 në kryeqytet. Ai ka ironizuar Partinë Demokratike, duke thënë se kjo forcë politike është bërë si emisioni “Përputhen”.

“PD është një parti që funksionon si ‘Përputhen’. Ka një studio fikse në parti, vijnë kandidatët për ‘Përputhen’, bëjnë atë debatin e tyre një orë dhe nuk kanë lidhje me realitetin. Po të kishin lidhje me realitetin, mbasi dalin nga studio në PD për ‘Përputhen’ do dinin të paktën që taksia e ka taksën zero, biznesi i vogël e ka azero”, tha Veliaj.