26-vjeçarja shtatzënë i vë flakën vetes/ Nuk iu pranua kërkesa për të shkuar në Gjermani

Një ngjarje e rëndë është regjistruar në në kampin e refugjatëve në Mytilene në Greqi, ku një vajzë 26-vjeçare në muajin e tetë të shtatzënisë i ka vënë flakën vetes.

Mediat shkruajnë se gruaja kishte bërë një kërkesë për të shkuar në Gjermani, mirëpo nuk ishte pranuar për shkak të shtatzënisë.

Për të kundërshtuar vendimin, gruaja nënë e dy fëmijëve të tjerë i ka vënë flakën vetes.

Autoritetet e Ministrisë së Emigracionit dhe Azilit kanë reaguar menjëherë. 26-vjeçarja është dërguar menjëherë në spital ku dhe ndodhet jashtë rrezikut  për jetën.