LIGJET E BIZNESIT
Gazetari i njohur investigativ Artan Hoxha ka bërë së fundmi një thirrje të fortë.
Sipas tij SPAK duhet të hetojë dhe të merret me abuzimet në rradhët e bluzave të bardha, duke filluar nga vetëvrasjet.
Ai ka përmendur rastin e vetëvrasjes së 28 vjeçarit nga Durrësi Xhino Koça në gusht 2020 ku është shprehur se si ka mundësi që pas lajmit është publikuar një letër e lënë nga ai.
Ndër të tjera Hoxha ka deklaruar se Xhino Koça kishte shkruar një mesazh në celular por nuk ja kishte dërguar atë askujt, dhe mesazhi ka dalë para se celulari të sekuestrohej nga policia.
Mesazhi sipas gazetarit ka dalë në media në momentin që familja po kërkonte protokollin e mjekimit për të afërmin e tyre.
“Si ka mundësi që ky një ndër të sëmurët me celular kontaktonte herë pas here çfarë ka ndodhur me këtë, celulari i të cilit u mor dhe në telefon u gjet i shkruar një tekst që prezumohet se e ka shkruar ai por që nuk ja ka dërguar askujt. Unë e kam tekstin dhe celularin e filmuar, kush ja dha medias, si e mori vesh kur unë e hap dhe e shkuaj si sms. Menjëherë pasi ka ndodhur vetëvrasja është njoftuar policia dhe celulari është provë material në varësi të hetimit është hapur celulari i viktimës dhe teksti i gjetur aty është marrë dhe i është dërguar medias por si ndodhi një gjë e tillë. Edhe sot e kësaj dite familja nuk di protokollin që është përdorur, familjes që ka kontaktuar me mjekët më të mirë se ajo s’ka folur me Tiren, nuk i është dhënë asnjë fakt. Kur familja del dhe kërko transparencë, ato i nxjerrin letrën, telefoni nuk është hapur në polici por është hap në spital dhe në media ka dalë para se telefoni të shkojë në polici.
Pas këtij rasti kanë ndodhur edhe pesë vetëvrasje të tjera ku familjarët kanë kërkuar transparencë por nuk është lejuar asnjë nga familjarët që të cënonin imazhin dhe në asnjë rast nuk është çuar deri në fund asnjë hetim”, ka thënë gazetari në Abc News.
