E pazakontë/ ‘Ke shkuar me gruan time’ Kuksiani akuzon 72-vjeçarin, ja si i zhvati 12 mln lekë

Një ngjarje e pazakontë cilësohet ajo që ka ndodhur së fundmi në qytetin e Kukësit.

Mësohet se një bashkëqytetar ka zhvatur në periudha të ndryshme kohore 12 milionë lekë të vjetra nga një 72-vjeçar pasi e akuzonte se kishte kryer marrëdhenie seksuale me të shoqen.

Sipas asaj që raporton “BË”, 50-vjeçari Agron Nika ka rënë në pranga nga seksioni për hetimin e Krimeve të Rënda, pasi në kohë të ndryshme nëpërmjet shtrëngimit me anë të kanosjes për dhënie pasurie, i ka marrë 72-vjeçarit Feti Gjici rreth 12 mln lekë të vjetra.

Nika e akuzonte Gjicin se kishte pasur raporte seksuale me gruan e tij dhe në këtë mënyrë kishte turpëruar atë dhe fisin e tij dhe në formë shpagimi duhet ta dëmshpërblente duke i dhënë para.