A do kandidojë opozita e re në listat e PS? Rama tregon strategjinë që do ndjekin për 25 prill

Ditën e sotme kryeministri Edi Rama iu përgjigj interesimit të gazetarëve në lidhje me faktin se a do të ketë në listat e PS deputetë të opozitës së re parlamentare.

Kreu i qeverisë e la të hapur si mundësi duke thënë se forca politike që ai përfaqëson e ka derën e hapur për të rinj që duan të angazhohen në politikë.

Sipas tij njerëzit  me eksperiencë do të kenë vendin e tyre.

“Nuk bëhet fjalë për opozitë, këtu bëhet fjalë për skuadër që janë të gatshëm të jenë në vijën e parë të betejës. Këtë herë është dhe më e qartë për të gjithë, janë drejtuesit e qarqeve ata që kanë barrën për të propozuar listën e qarkut të tyre, puna për seleksionimin e skuadrës ka shumë kohë që ka nisur, kemi hapur derën për të rinj që duan të angazhohen. Patjetër që do të kemi dhe bazën e skuadrës te njerëzit me eksperiencë, që patjetër që do të kenë vendin e tyre.”, u shpreh Rama.