Rast unik/ Gruaja vdes pas transplantit të mushkërive të infektuara me Covid-19

Një ngjarje e rrallë ka ndodhur në Michigan të SHBA-së, ku një pacientje iu transplantuan mushkëri të infektuara me koronavirus.

Gruaja ndërroi jetë 2 muaj pas transplantit, pasi dhuruesi kishte qenë i infektuar me Covid-19, megjithëse testet e para treguan se ishte negativ.

Shkolla e Mjekësisë e Universitetit të Michiganit në një deklaratë tha se mund të ishte rasti i parë i provuar në Amerikë i një infeksioni virusi nëpërmjet një transplantimi organi.

Gjithashtu, edhe kirurgu i cili ndoqi trajtimin e mushkërive të dhuruesit u infektua me koronavirus, por arriti që të mbijetojë.

Sipas mediave të huaja, mushkëritë iu morën një gruaje që vdiq në një aksident automobilistik dhe më pas u transplantua tek një grua që vuante nga sëmundja pulmonare obstruktive kronike.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern