U shtir si gjinekolog dhe përdhunoi një të mitur, ja si e mashtroi 26-vjeçari vajzën

Një 26-vjeçar u shtir si gjinekolog dhe përdhunoi një vajzë në Palermo të Italisë. Pas arrestimit të tij, prokurorët kërkuan një dënim me gjashtë vjet e tetë muaj burgim.

Ai i shkroi vajzës në “Instagram” dhe për ta joshur ai do të pretendonte se ishte gjinekolog, pasi vajza po kërkonte informacion në internet në lidhje me këtë temë.

Ai e kishte përdorur këtë lloj skeme për t’i kërkuar asaj foto të pjesëve intime dhe më pas për ta takuar dhe për ta përdhunuar.

I akuzuari, një banor i papunë, ishte në arrest shtëpie për dhunë seksuale si dhe prodhim të pornografisë së fëmijëve në fund të shkurtit 2020. Ky proces po zhvillohet me procedurën e shkurtuar.

I akuzuari do të kishte kontaktuar viktimën pesëmbëdhjetë vjeçare. Meqë vajza do të kërkonte informacion mjekësor, sigurisht që ajo nuk do ta kishte problem t’i jepte të pandehurit numrin e saj celular. Nëpërmjet mesazheve, ai do të kërkonte gjithashtu foto dhe video të vajzës së mitur. Mediat italiane shkruajnë se më pas do të linte takim me të për ta përdhunuar.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern